332 SURAT WASIAT

Urip Bisane Murub

Mergane Saka Obahe Hurup

Ilmu Bisa Tinemu Mergane Laku

Pengin Ora Ketanggor Musibah?

Kudu Aja Pada Sungkan Maca Sejarah

Nang Brebes Ana 332 Surat Wasiat

Yen Galak Aja Clutak

Yen Clutak Aja Galak

Yen Galak Toli Clutak

Pasti.......Nggletak

Kuwe Yen Pengin Mbangun Masyarakat Madani

Dudu Masyarakat Sing Malah Medeni

Sampeyan Kabeh

Pengin Jiwa Ragane Kuwat?

Kudu Taat Isine Surat Wasiat

Apa Sebab?

Nang Tlatah Kabupaten Brebes...

Ana Lakon, Satrune Martalaya-Martapura

Sing Siji Dikubur Kenang Keris Kyai Kasur

Sing Siji Ilang Nyawa, Kenang Keris Jaka Tuwa

Dina Kiye Langka Sing Luwih Penting

Tinimbang Pitutur Kiye

Akeh Wong Pada Susah

Sedulur Ora Ngakoni Silsilah

Sing Kekancanan Pada Pecah

Sing Dadi Rewang,Keduwuren Njaluke Upah

Mulane Saiki Hayuh Pada Srawunge,

Maring Wong Sing Niate Pada Ibadah

Mumpung, Esih Ana Adzan Subuh

Hayuh Pada banyu Wudhu

Nang Tuk Bening, Kaligua Paguyangan

Yuh Pada Nginung Klapa Ijo

Sing Bardimet Kopral Tarjo

Ning Kebon Banjarharjo

Jare Khasiate Nambahi Eling Bojo

Bisa Ngubah Stres dadi Fresh

Karo Nyawer Sinden Karang Bale Larangan

Sing Nembang "Buntut Curut Buntut Jaran,

Kolang Kaling Sabrang Kana,

Kudu Nurut Prentahe Pangeran,

Mumpung Urip Ning Alam Dunya"

Mulane Saiki Hayuh Bareng Dedonga

Neng-Ning-Nung-Nang

Sembur-Sembur Adas Waras

Siram-Siram Bayem Ayem

Sluman Slumun Slamet,

Slamet Sakabehane

Slamet Dina Dadine Kabupaten Brebes

Sing Kaping 332.

Aku Ora Pengin Duwe Masyarakat Medeni

Pengine Masyarakat Madani. Sung ....!!!

13 Januari 2010

Sarasehan Membangun Masyarakat Madani

Berbasis Kearifan Lokal

Daning : Drs. Atmo Tan Sidik

Diwaca : Zara Zetira BY.